Учебно-методический центр профессионального образования

• 

Гомельскі абласны інстытут развіцця адукацыі заснаваны 10 сакавіка 1941 года як інстытут удасканалення настаўнікаў (ІУН). Сярод першых супрацоўнікаў былі Фірсава Р.Д. (заг. вучэбнай часткі), Міранос Т.Я. (кансультант па беларускай мове і літаратуры), Турчынаў Л. М. (кансультант па хіміі і біялогіі), Ваўчкоў В.О. (кансультант па фізіцы) і іншыя.

Да канца 40-х гадоў сфарміраваўся ўстойлівы калектыў, кіравала якім Вераксо Паліна Назараўна (1944-1948). Пачалі працаваць кароткатэрміновыя курсы, праводзіліся семінары, ажыццяўляліся выезды ў раённыя цэнтры для аказання метадычнай дапамогі. У 50-х гадах каля 500 настаўнікаў штогод павышалі кваліфікацыю на курсах, у пачатку 60-х гадоў гэтая лічба ўзрасла до 1000.

У розны час інстытут узначальвалі Кабаткоў М.Ф. (1948-1958), Гурэвіч А.М. (1958-1966). Шмат сіл і энергіі аддалі ІУН Зарэцкая Лідзія Аляксееўна (дырэктар інстытута з 1970 па 1987 г.), Савельеў Генадзь Уладзіміравіч (кіраваў інстытутам з 1988 па 1997 г). У сярэдзіне 80-х гадоў у складзе ІУН налічвалася 25 вучэбна-метадычных кабінетаў, працавала больш за 60 метадыстаў вышэйшай і першай катэгорый.

Інстытут неаднаразова ператвараўся. У мэтах развіцця навукова-даследчай і эксперыментальнай работы ва ўстановах адукацыі вобласці ў 1986 годзе былі адкрыты 2 кафедры: кафедра грамадскіх навук; кафедра педагогікі і псіхалогіі.

У 1995 годзе ўтвораны аддзелы: кіруючых кадраў і рэгіянальнага развіцця адукацыі; інфармацыйна-метадычны; прафесійнай падрыхтоўкі; выхаваўчай работы.

У 1996 годзе інстытут удасканалення настаўнікаў быў перайменаваны ў Гомельскі абласны інстытут павышэння кваліфікацыі і перападрыхтоўкі кіруючых работнікаў і спецыялістаў адукацыі, адкрыты 2 факультэты: дашкольнага выхавання і пачатковай школы; арганізацыі і кіраўніцтва вучэбна-выхаваўчым працэсам. У гэты час яго ўзначальвалі Сматрыцкі Л.С. (1997-2000), Рашэцька В.С. (2000), Котава Н.А. (2000-2015). Са жніўня 2015 года інстытутам кіруе Акуленка Віктар Леанідавіч.
У 2001 годзе ГАІПК атрымаў статус дзяржаўнай установы. У 2008 годзе ён перайменаваны ў Гомельскі абласны інстытут развіцця адукацыі.

У складзе інстытута:

факультэт павышэння кваліфікацыі і перападрыхтоўкі кіруючых работнікаў і спецыялістаў адукацыі (дэкан - Святлова Г.А.);

2 кафедры:

кіравання і тэхналогій адукацыі (заг. кафедры - кандыдат педагагічных навук, дацэнт Бежанішвілі А.З.)

педагогікі і прыватных методык (заг. кафедры - кандыдат педагагічных навук, дацэнт Шылько Т.М.).

8 аддзелаў:

вучэбна-метадычны аддзел прыродазнаўча-матэматычных дысцыплін,

вучэбна-метадычны аддзел гуманітарных дысцыплін,

вучэбна-метадычны аддзел дашкольнай і пачатковай адукацыі,

вучэбна-метадычны аддзел кіруючых кадраў і інавацыйнай дзейнасці,

вучэбна-метадычны аддзел ідэалагічнай і выхаваўчай працы,

вучэбна-метадычны аддзел аховы дзяцінства і сацыяльнай работы,

вучэбна-метадычны аддзел інфармацыйных тэхналогій і выдавецкай дзейнасці,

вучэбна-метадычны аддзел аналітычнай працы і менеджменту якасці.

Асноўныя напрамкі навуковых даследаванняў:

культуралагічныя аспекты развіцця асобы;

падрыхтоўка педагогаў-даследчыкаў;

кіраванне інавацыйнымі працэсамі на дыягнастычнай аснове;

навукова-метадычнае забеспячэнне прадуктыўнай дзейнасці педагога;

псіхолага-педагагічныя асновы карэкцыйнай работы.